webmatyan.com » Cloud Computing http://webmatyan.com Նորություններ, վերլուծություններ հայերեն Wed, 16 Jun 2010 20:52:54 +0000 en hourly 1 http://wordpress.org/?v=abc Ինտերնետի երեք դարաշրջանները http://webmatyan.com/2010/04/three_eras_inteernet/ http://webmatyan.com/2010/04/three_eras_inteernet/#comments Wed, 21 Apr 2010 23:31:37 +0000 admin http://webmatyan.com/?p=201 Նախաբան։

Սույն գրառման մեջ ես կփորձեմ վերլուծել և համեմատել Ինտերնետի զարգացումը երեք ինտերնետային գաղութներում (colony)`Անգլալեզու, Ռուսալեզու և Հայալեզու։ Մասշտաբներն իհարկե անհամեմատելի են, սակայն ընդհանրություններն, իմ կարծիքով, շատ ակնառու են։

Մինչդեռ գրառումը լուրջ վերլուծության փորձ է, այն կարող է առաջին հայացքից անհետաքրքիր թվալ, բայց դուք մինչև վերջ կարդացեք։

Մաս Ա․ Netscape-ի դարաշրջանը և Բովանդակությունը։

90-ականներին, երբ Ինտերնետի հրաշքը դեռ նոր էր արարվել, մարդիկ դեռ չէին իմանում կամ պատկերացնում, թե ինչ զարգացում այն կարող է ստանալ  ինչ հնարավորություններ ունի այն։ Միայն մի խումբ գիտնականներ ու պետական կառույցներ էին աշխատում դրա զարգացման ու հետազոտման ուղղությամբ, մինչդեռ մնացած մահկանացուները, ապշած Ինտերնետի հասանելությունից, սկսեցին բազմաթիվ էջեր ստեղծել, որտեղ կարելի էր գտնել զանազան թեմաներով նյութեր․ սկսած գեղարվեստական գրականությունից, մինչև քաղաքի բնակիչների հեռախոսահամարների ցանկը։ Այսպես սկսվեց Բովանդակության Դարը։ Ինտերնետն օրեցօր աճում էր ծավալային առումով։ Ամեն օր նոր էջ կամ կայք էր ստեղծվում, որն իր մեջ պարունակում էր հիմնականում տեքստ և նկարներ։ Արդյունքում, Ինտերնետում կարելի էր գտնել ամեն ինչ, ինչ ցանկանում ես։ Այս տենդենցը շարունակվեց ընդհուպ մինչև 90-ականների երկրորդ կեսը։ Ինտերնետը դարձավ բովանդակության հոմանիշը՝ լուրջ մարտահրավեր նետելով տպագիր մամուլին, գրքերին, նամակագրությանը։ Որպես այս ֆենոմենի տրամաբանական ածանցյալ, ի հայտ եկան Որոնողական համակարգերը (LYCOS, Yahoo!, MSN…), որոնց նպատակն էր ինչ որ կերպ համակարգել անսահման ինֆորմացիան։

Այս դարաշրջանին բնորոշ են  անճոռնի կայքերը, Times New Roman տառատեսակը, պարզագույն HTML-ը և անվճար պոռնոն։

Այս դարաշրջանի հուշարձանների թվին կարելի է դասել Netscape Navigator-ին, LYCOS-ին, AltaVista-ին, HotBot-ին, և իհարկե Yahoo!-ին։

Մաս Բ․ Yahoo!-ի կայսրության վերելքն ու համաշխարհային ճգնաժամը (էս մեկը չէ, սրա նախորդը)։ Կամ Ինտերնետի մոնետիզացիան։

Ինտերնետի տարածման և դրա աճի հետ մեկտեղ առաջացավ Ինտերնետի մոնետիզացիայի պահանջը, որը հետագայում վերաճեց մոլուցքի իսկ ամենավերջում բերեց պայթյունի։ Սակայն մինչև մոլուցքի սկսվելն ու պայթյունը, պետք է ուսումնասիրել առաջացած պահանջը և դրա հետևանքները։

Նորագույն պատմության մեջ հազվագյուտ են դեպքերը, երբ մարդիկ կամ ընկերությունները չեն փորձել ինչ-որ բանից եկամուտ ստանալ․ ավելի պրոֆեսիոնալ միջավանայրում այդ պրոցեսը կոչվում է կոմերցիալիզացիա։ Դրա պատճառներն ուսումնասիրելն անիմաստ է, ուստի անցնեմ հետևանքներին և պրոցեսին։ Ըստ էության, մարդիկ սկսեցին ձևեր որոնել, որոնցով կարելի կլիներ Ինտերնետի միջոցով դրամ վաստակել։ Դեռ մինչև Ինտերնետի ստեղծումը  արարումը, բովանդակության տերերը գովազդ էին տեղադրում իրենց պատկանող մեդիաներում (թերթեր, ամսագրեր, ռադիո․․․)։ Ինտերնետը ևս մի մեդիա էր, որն ավելի ու ավելի էր տարածում ստանում և ի տարբերություն թերթերի ու ամսագրերի, այն անվճար է, հետևաբար՝ ավելի հասանելի լայն զանգվածին։ Սակայն միայն դրանում չի Ինտերնետի առավելությունը․ այն հնարավորություն է տալիս դիպուկ թիրախավորման (targeting), ինչը հնարավոր չէր մինչ այդ գոյություն ունեցող ոչ մի մեդիայում։ Զգալով այս բացառիկ հնարավորությունը՝ գովազդատուները վազեցին դեպի Ինտերնետ։ Սկսվեց մոլուցքը։ Որոշ ժամանակ անցավ և մարդիկ հայտնաբերեցին էլ․ առևտուրը (e-commerce)՝ Ինտերնետի միջոցով ապրանքների և ծառայությունների վաճառքը։ Դրան նպաստեցին մի շարք հանգամանքներ․

  1. Ինտերնետի լայն տարածումը
  2. Օնլայն վճարումների հեշտացումը
  3. Մուտքի ցածր բարիեռները
  4. Առևտրի իրականացման համար անհրաժեշտ ծախսերի կտրուկ նվազումը=>մեծ ավելացված արժեքը

Եթե նկատեցիք, մինչ այս պահը խոսքը գնում էր միայն անգլալեզու գաղութի մասին։ Դա տրամաբանական պատճառ ունի․ Ինտերնետը ստեղծվել և զարգացել է հենց այդ միջավայրում և դրան նպաստել են մի շարք պատմական հանգամանքներ, որոնց թվում են՝

  • Ինովացիայի (Ինտերնետի) հայրենիքը
  • ձեռներեցության (entrepreneurship) դարավոր պատմությունը
  • ի սկզբանե ազատ մրցակցությունը
  • բնակչության և երկրների/գաղութի տեխնիկական առաջադիմությունը (քրեդիտ քարտերի լայն կիրառումը, համակարգիչների տարածումը, երկրի համատարած հեռախոսաֆիկացումը․․․)
  • քաղաքական կամքը (Բիլ Քլինթոնը հայտարարել էր, որ մինչև 2000 թվականը ամերիկյան բոլոր դպրոցները միացված կլինեն Ինտերնետին )

Ի հակադրություն  այս պատկերին, Ռուսաստանում իրավիճակն այլ էր (դիտարկվող ժամանակաշրջանում վերը նշված կետերից ոչ մեկն առկա չէր ըստ էության), և որպես հետևանք, Ռունետը հետ է մնում մնացած Ինտերնետից մոտ տասը տարով։ Հայաստանի հետ համեմատությունն էլ ավելի անիմաստ է․․․

Դրանով է բացատրվում այն հանգամանքը, որ Ռունետը միայն վերջերս է մտել զարգացման երկրորդ փուլ, իսկ Հայկական Ինտերնետի վիճակն ավելի բարդ է (շարունակեք կարդալը և կտեսնեք,  թե ինչու և ինչպես)։

Մինչև մեր պատմության եզրափակիչ դարաշրջանին անցնելը, հարկ է անդրադառնալ երկրորդ դարաշրջանի ավարտի պատճառներին, որոնք առաջացան հետևյալ կերպ․․․

Կոմերցիալիզացիայի մոլուցքը հանգեցրեց նրան, որ բազմաթիվ ներդրողներ, տեսնելով որոշ հաջողակ կայքերի փորձը (Yahoo!, Amazon, ebay, Barnes&Nobel….), արդարացիորեն որոշեցին, որ Ինտերնետը հաջող ներդրումների դաշտ է և անհեռատեսորեն սկսեցին ահռելի գումարներ ներդնել Ինտերնետ նախագծերում, ինչի հետևանքով շատ ընկերությունների շուկայական գինը բարձրացավ։ Սա շատ վտանգավոր էր, քանի որ մեծ ներդրումները ենթադրում են մեծ եկամուտներ ապագայում։ 1998-2000 թվականներին Ինտերնետում ներդրված դրամը հասավ գագաթնակետին և ընկերությունների մեծ մասը չկարողացան ետ բերել ներդրումները։ Արդյունքում ընկերությունների արժեթղթերի գներն անկում ապրեցին և բորսաներում խուճապ սկսվեց (ծանոթ բառեր ե՞ն։ Նույն բանը տեղի ունեցավ վերջերս, սակայն ուրիշ ոլորտում) և բռնկվեց միջազգային ճգնաժամը։

Այսպիսի բան չի կարող լինել Հայաստանում, քանի որ․

ա)հայկական ինտերնետը գտնվում է զարգացման առաջին փուլում

բ)Հայաստանում, ըստ էության չկա արժեթղթերի շուկա

Մաս Գ․ “Բովադակությունը միակ փրկությունը չէ” կամ “Ինովացիայի դարաշրջան”

90-ականների ճգնաժամից հետո այլևս հնարավոր չէր խաղալ նույն կանոններով և պետք էր փնտրել կոմերցիալիզացիայի նոր ուղիներ։ Բովանդակությունը և էլ․ առևտուրը դեռ չեն սպառել իրենց, սակայն կամաց-կամաց իրենց տեղը զիջում են օնլայն ծառայություններին (սոց․ ցանցեր, վիդեո, ամպային տեխնոլոգիաներ․․․)։ Ճգնաժամից հետո տեղի ունեցան խորքային փոփոխություններ, որոնք հանգեցրին նոր տեսակի բիզնես-մոդելների հայտնաբերմանը և Ինտերնետի մոնոպոլիզացիային։ Հայտնվեցին գերհաջողակ նախագծեր, որոնք փոխեցին Ինտերնետի դեմքը, մարդկանց սովորությունները։ Ֆեյսբուքը, YouTube-ը, WordPress-ը Salesforce-ը և այլոք Ինտերնետը դարձրին անճանաչելի։ Հաջողակ դարձան ոչ թե այն կայքերը, որոնք շատ էին գովազդվում, այլ այն կայքերը, որոնք որակապես նոր բան էին առաջարկում։ Մինչև 90-ականների ճգնաժամը Ինտերնետային երկու-երեք ծառայություն կար (chat, email, dating…)իսկ հիմա միայն Գուգլը տասից ավել ծառայություն ունի, որոնք մինչև ճգնաժամն ուղակի գոյություն չունեին։ Ինտերնետ-ծառայությունների ի հայտ գալն իր հետ բերեց մի ֆենոմեն, որը մինչ այդ անհանար էր թվում․ Ինտերնետը մոնոպոլիզացվեց։ Դրա առաջին դեպքերը Գուգլն ու LiveJournal-ն էին, որոնք լինելով արևմտյան ծառայություններ գրավեցին Ռուսաստանը և Հայաստանը։ Իսկ դրանց հետևում կանգնած ամուր ու մինչ օրս անխափան գործող բիզնես-մոդելը և լոկալիզացիան (թարգմանումը) համարյա ոչ մի շանս չի թողնում տեղական ծառայություններին։

Լոկալիզացիան իր հերթին բերում է նրան, որ շատ գաղութներ, որոնք զարգացման ավելի ցածր կետում են, սկսում են անբնականորեն զարգանալ և վտանգվում են դեռ երկար ժամանակ մնալ թերզարգացած։

Դրա ամենավառ օրինակը հայկական Ինտերնետն է, որն իր ցուցանիշներով (օրեցոր աճող կայքերի թիվ, Ինտերնետի օգտագործման տարածում․․․) դեռ գտնվում է առաջին փուլում, սակայն արդեն ծնել է սոցիալական ցանցեր, որոնողական համկարգեր, սեփական վիդեոհոսթինգ, սեփական կոնտեքստային գովազդ, բլոգերի պլատֆորմ և այլ երրորդ դարաշրջանին բնորոշ երևույթներ։ Իհարկե, ողջունելի է նման ծառայությունների ստեղծումը, սակայն ցավոք, ինովացիան դեռ դոփում է տեղում։ Տեսնենք, թե որքան։

Մի տխրեք ;)

]]> http://webmatyan.com/2010/04/three_eras_inteernet/feed/ 4 Ինտերնետի Ամպային Ապագան http://webmatyan.com/2009/11/%d5%ab%d5%b6%d5%bf%d5%a5%d6%80%d5%b6%d5%a5%d5%bf%d5%ab-%d5%a1%d5%b4%d5%ba%d5%a1%d5%b5%d5%ab%d5%b6-%d5%a1%d5%ba%d5%a1%d5%a3%d5%a1%d5%b6/ http://webmatyan.com/2009/11/%d5%ab%d5%b6%d5%bf%d5%a5%d6%80%d5%b6%d5%a5%d5%bf%d5%ab-%d5%a1%d5%b4%d5%ba%d5%a1%d5%b5%d5%ab%d5%b6-%d5%a1%d5%ba%d5%a1%d5%a3%d5%a1%d5%b6/#comments Sat, 28 Nov 2009 11:01:06 +0000 admin http://webmatyan.com/?p=60 Եվս մի քիչ ամպերի ու ապագայի մասին

Իմ նախորդ գրառման մեջ ես անդրադարձա նոր տեխնոլոգիային, որը կոչվում էր Cloud Computing:  Գուգլի նոր օպերացիոն համակարգը, որը ծրագրերը և ֆայլերն աշխատացնում է հեռացված սերվերների վրա այդ տեխնոլոգիայի միայն մել օրինակն է: Մինչդեռ Գուգլից բացի կան նաև այլ ընկերություններ, որոք առաջարկում են օնլայն օպերացիոն համակարգեր: Դրանք դեռ գտնվում են փորձարկման փուլում, սակայն բետա-տարբերակներն արդեն հասանելի են օգտագործողներին: Դրացից մեկը կոչվում է Cloudo: Այս գրառումը գրվում է այդ համակագի մեջ (էկրանի պատճեն` ներքևում):  Cloudo-ն առաջարկում
է մի շարք ստանդարտ ծրագրեր, որոնք անհրաժեշտ են հիմնական մի քանի գործառույթներ իրականացնելու համար. տեքստային խմբագիր, օրացույց, էլ. փոստի կառավարման ծրագիր, կոնտակտների կառավարիչ, հրամանների տեքստային պանել, MP3 նվագարկիչ և բաժանորդագրումների  կառավարիչ և որոնման համակարգ ՕՀ-ի համար: Բացի այս ստանդարտ ծրագրերից առաջարկվում են նաև մի շարք այլ ծրագրեր, որնք, սակայն չեն մտնում ՕՀ-ի նախնական  համալրման մեջ: Քանի որ համակարգը նոր է, լրացուցիչ ծրագրերի ընտրությունը շատ սահմանափակ է դեռևս, բայց ծրագրի հեղինակնեն արդեն թողարկել են ՕՀ-ին վերաբերող տեխնիկական փաստաթղթերը, այպես որ ցանկացողները կարող են մասնակցել լրացուցիչ ծրագրերի ստեղծմանը, ինչպես նաև ՕՀ-ի կորիզի զարգացմանը:
Cloudon-ն շվեդական ընկերություն է և ՕՀ-ի ստեղծմանը մասնակցել են չորս հոգի, որոնցից երկուսը ազգությամբ թուրք են(!!):
Հաջորդ առցանց ՕՀ-ը iCloud-ն է, որն առաջին հայացքից ավելի զարգացած է գործառույթների առումով:
iCloud-ի ստանդարտ համալրումն ավելի հարուստ է և բացի վերը նշված ստանդարտ ծրագրերից, ներառում է մի շարք այլ ծրագրեր, ինչպիսիք են ծախսերի մենեջերը, ակնթարթային հաղորդագկցության կառավարիչ (IM Manager) և մի շարք խաղեր: iCloud-ը նաև հնարավորություն է տալիս շփվելու այլ մարդկանց հետ, ովքեր օգտագործում են iCloud` հնարավորություն տալով առցանց խմբակային աշխատելու և ֆայլեր կիսելուև փոխանակելու:
Ֆայլերի պահոցը դեռևս շատ սահմանափակ է և առաջարկում է ընդհամենը 3գիգաբայտ տարողություն:
Ի տարբերություն Google Wave-ի, այն ավհամեմատ ավելի հասկանալի ու հեշտ օգտագործելի է խմբակային աշխատանքի համար և ժամանակի ընթացքում, երբ նոր ծրագրեր կավելանան այն իրական փոխարինող կարող է դառնալ wave-ին:
Այն ընթացքում, որ ես գրում եմ այս հոդվածը և զուգահեռաբար բացահայտում եմ այս նոր ՕՀ-երի առանձնահատկությունները, ինձ հանգիստ չի տալիս մի հարց. “ի վերջո, ում կամ ինչի համար են անհրաժեշտ այս նոր համակարգերը”:
Երկու ՕՀ-երի հեղինակներն էլ պնդում են, որ  դրանք ճկունություն և շարժունակություն են ապահովում` հնարավորություն տալով ամենուրեք հասանելի դարձնել Ձեր անձնական համակարգիչը:  Կարծում եմ, որ այս կարիքն արդեն բավարարված է շարժական համակարգիչների տարածմամբ և Remote Desktop տիպի ծրագրերով: Ինչու մարդը պետք է համաձայնվի իր անձնական ֆայլերը դնել հեռացված սերվերի վրա և վստահ չլինի դրանց գաղտնիության համար:
Մյուս կողմից, այս ամենի մեջ կա ռացիոնալիզմի տարր. iCloud-ն առաջարկում է համատեղ աշխատանքի լայն հնարավորություններ: Այս առումով Ամպային ՕՀ-երը շատ ավելի հարմար և ճկուն միջոցներ են, քան ներկայումս գործող առցանց համագործակցության այլ գործիքները: Կարծում եմ, երբ Ամպային տեխնոլոգիաները ավելի լայն տարածում ստանան, դրանց տեղը շուկայում կբնութագրվի որպես “առցանց համագործակցության միջոց”:
cloudo_email_clien_screen cloudo_email_clien_screen cloudo_word_processor_screen icloud_desktop_screen icloud_desktop_screen ]]> http://webmatyan.com/2009/11/%d5%ab%d5%b6%d5%bf%d5%a5%d6%80%d5%b6%d5%a5%d5%bf%d5%ab-%d5%a1%d5%b4%d5%ba%d5%a1%d5%b5%d5%ab%d5%b6-%d5%a1%d5%ba%d5%a1%d5%a3%d5%a1%d5%b6/feed/ 0 Գուգլի, Մայքրոսոֆթի և ամպերի մասին http://webmatyan.com/2009/11/%d5%a3%d5%b8%d6%82%d5%a3%d5%ac%d5%ab-%d5%b4%d5%a1%d5%b5%d6%84%d6%80%d5%b8%d5%bd%d5%b8%d6%86%d5%a9%d5%ab-%d6%87-%d5%a1%d5%b4%d5%ba%d5%a5%d6%80%d5%ab-%d5%b4%d5%a1%d5%bd%d5%ab%d5%b6/ http://webmatyan.com/2009/11/%d5%a3%d5%b8%d6%82%d5%a3%d5%ac%d5%ab-%d5%b4%d5%a1%d5%b5%d6%84%d6%80%d5%b8%d5%bd%d5%b8%d6%86%d5%a9%d5%ab-%d6%87-%d5%a1%d5%b4%d5%ba%d5%a5%d6%80%d5%ab-%d5%b4%d5%a1%d5%bd%d5%ab%d5%b6/#comments Mon, 23 Nov 2009 16:57:13 +0000 admin http://webmatyan.com/?p=19 cloudՎերջին ժամանակներում ամենախոսվող ու ամենաքննարկվող թեման Ինտերնետում Cloud Computing-ն է: Դեռ անցյալ տարվա սեպտեմբերին, երբ Google-ը թողարկեց իր բրաուզերը (Google Chrome), ակտիվորեն սկսվեցին խոսակցություններն այն մասին, որ Գուգլը պատրաստվում է թողարկել իր սեփական Օպերացիոն Համակարգը (ՕՀ): Մեկ տարի անց իրականություն դարձավ այն, ինչի մասին շատերն էին խոսում, բայց քչերն էին հավատում. Գուգլը թողարկեց իր սեփական ՕՀ-ը: Սա բոլորովին նոր և հեղափոխական մոտեցում է ՕՀ-երի շուկայում, քանի որ ի տարբերություն սովորական ՕՀ-երի, ծրագրերը տեղադրված են ոչ թե համակարգչի մեջ, այլ  ”ամպերի մեջ” (հեռացված սերվերների վրա): Այսպիսով համակարգչով ձեր առօրյա գործերն անելու համար դուք մոտ ապագայում պետք է ստիպված լինեք միանալ Ինտերնետին և սովորական տեքստային խմբագիրները, և փլեյերներըն այլևս պետք չեն գա:  Համակարգիչը կծառայի զուտ որպես Ինտերնետ մուտք գործելու և ինֆորմացիան խմբագրելու ու կարդալու միջոց: Այս տենդենցիան այժմ թվում է, թե ամենաարդիականն է: Մի շարք խոշոր վերլուծական ընկերություններ կանխատեսում են, որ “ամպային համակարգումը” 2010-ին կդառնա ամենախոշոր երևույթը տեխնոլոգիաների աշխարհում:

Զգալով Գուգլի կողմից սպառնացող վտանգը` դասական ՕՀ-երի շուկայի առաջատար Մայքրոսոֆթն անում է ամեն հնարավորը, որպեսզի ոչ մի կերպ բաց չթողնի  ”ամպերի” իր բաժնից:

Այս ուղղությամբ առաջին քայլը, Մայքրոսոֆթի  Office փաթեթի նոր սերնդի թողարկումն է:

Այն հնարավոր է անվճար ներբեռնել այտեղից : Ի թիվս մի շարք նշանակալի փոփոխությունների (որոնց մասին կպատմեմ մյուս գրառումների մեջ), ամենանշակալի փոփոխությունն այն է, որ  ”Օֆիս” փաթեթի ծրարգրերով ստեղծված փաստաթղթերը կարելի է առցանց “կիսել” գործընկերների հետ և մեկ կամ մի քանի փաստաթղթերի շուրջ աշխատել խմբով:

Այս մոտեցումը շատ նման է Google Docs համակարգին, որտեղ նույնպես նման հնարավորություններ կան:

Ըստ էության Մայքրոսոֆթը մի կողմից մեծ և կարևոր քայլ արեց դեպի ապագա` ետևում թողնելով իր գլխավոր մրցակցին` Apple-ին, մյուս կողմից կարողացավ արժանի հակահարված հասցնել մյուս հսկային` Գուգլին` չթողնելով, որ այն դառնա “ամպերի” միանձնյա տիրակալը:

Հաջորդ գրառումներում ավելի մանրամասն կանդրառնամ “ամպերին” և նոր “Օֆիսին”:


]]> http://webmatyan.com/2009/11/%d5%a3%d5%b8%d6%82%d5%a3%d5%ac%d5%ab-%d5%b4%d5%a1%d5%b5%d6%84%d6%80%d5%b8%d5%bd%d5%b8%d6%86%d5%a9%d5%ab-%d6%87-%d5%a1%d5%b4%d5%ba%d5%a5%d6%80%d5%ab-%d5%b4%d5%a1%d5%bd%d5%ab%d5%b6/feed/ 0