Շատերը երևի արդեն նկատել են, որ Facebook-ում պտտվում են հայկական գովազդներ:

Ինչպես հայտնում է facebook-ի պաշտոնական բլոգը, ապչիլի 4-ին ֆեյսբուքի գովազդային ծրագրում ավելացել են նոր քաղաքներ (չի նշվում, թե կոնկրետ ինչ քաղաքներ, սակայն կարելի է ենթադրել, որ Երևանն էլ է մտնում այդ ցուցակի մեջ): Իսկ ահա երեկ (ապրիլի 15-ին) երևացին առաջին հայկական գովազդները:

Ինչու

Ոչ մի խելամիտ պատճառ չեմ կարող ասել, բացի նրանից, որ ֆեյսբուքն ուզում է մեկ կրակոցով գրավել միանգամից մի քանի երկրների օնլայն գովազդային շուկաները և տիրանալ այդ խեղճ երկրների գովազդային բյուջեներին: Բացի դրանից, Գուգլը, դեռ երեկվա տվյալներով դեռևս չի արտոնում հայալեզու էջերում տեղադրել google adssence: Այս առումով, ֆեյսբուքը մեկ քայլ առաջ է գուգլից: Ենթադրում եմ, որ շուտով Գուգլնև ևս կհայտարարի հայալեզու էջերում իր գովազդի տեղադրման մասին:

Ինչ է սա նշանակում?

Սա նշանակում է , որ հայաստանյան առանց այդ էլ խղճուկ օնլայն գովազդային շուկայի պատմության մեջ մի նոր էջ է բացվում, քանի որ ֆեյսբուքն առաջարկում է մինչ այս աննախադեպ հնարավորություններ գովազդատուների համար: Ըստ էության, ֆեյսբուքը գովազդատուներին առաջարկում է իր հայսատանցի օգտվողների 46.000-անոց բանակին գովազդներ ցուցադրել, ընդ որում, այդ գովազդը կունենա աննախադեպ թիրախավորում (targeting): Կարելի է ընտրել, ոչ միայն գնակության քաղաքը, սեռը, տարիքը, այլև հետաքրքրությունները, ավարտածխ դպրոցը և այլն:

Սա մի հնարավորություն է, որը մինչ այժմ Հայաստանում ոչ ոք չի առաջարկել:

Հետևանքները

Երկու հիմնական հետևանք է հնարավոր.

ա) հայաստանյան օնլայն գովազդային բյուջեները մեծ մասամբ կտեղափոխվեն Ֆեյսբուք` հայկական կայքերին զրկելով եկամուտից (կամ շաշտակիորեն նվազեցնելով եկամուտները)

բ)Հայկակկան օնլայն գովազդային շուկայում կատաղի պայքար կսկսվի  կայքերի միջև, որոնք ստիպված կլինեն իջեցնել իրենց աբսուրդային գները և կսկսեն առաջարկել թիրախավորման հնարավորություններ: Այս վերջին կետի իրականացումն ի զորու է ընդամենը մի քանի կայքերի` hayland.am-ին, որը հայտարարում է, որ  ունի  օգտագործողների ամենամեծ բազան և mail.am-ը, որը նույնպես ունի համեմատաբար մեծ բազա:

Մնացած կայքերը կամ դեմպինգ կկիրառեն, կամ կսկսեն միանալ կոնսորցիումների մեջ և իրենց վաճառքները կսկեն իրականացնել գովազդային գործակալությունների միջոցով:

Օնլայն գովզազդի մասին ավելի մանրամասն կարելի է կարդալ այստեղ և այստեղ:

Վայելե’ք

Նորամուծության ուժը

Վերջին 40 տարիների ընթացքում Տեղեկատվական Տեխնոլոգիաների զարգացումն ամբողջ աշխարհում հանգեցրեց բազմատեսակ սարքավորումների ներմուծմանը մեր առօրյա կյանքի մեջ. սկզբում անձնական օգտագործման համակարգիչները (ԱՕՀ), այնուհետև բջջային հեռախոսները, այնուհետև՝ վերը նշված ապրանքների բազմազան կատեգորիաները (նոութբուքեր, նեթբուքեր, սմարթֆոններ, կոմունիկատորներ, գրպանի համակարգիչներ….): Էլեկտրոնային սարքերի այս շքերթը դեռ շարունակվում է, և գնալով նոր տեսակներ են ներմուծվելու:

Պլանշետները նորեկներ չեն այս շքահանդեսում, սակայն տարբեր հանգամանքների բերումով, դրանց չհաջողվեց կայուն տեղ ունենալ մեր առօրյա կյանքում:

Apple-ի կողմից ներկայացված iPad-ը լրջորեն հավակնում է լրացնել իր նախորդների բացթողումը և հաստատուն տեղ գրավել մեր առօրյայում:

iPad-ի նախորդները ոչ մի առավելություն չունեին մրցակիցների հետ համեմատության մեջ, բացի իրենց կոմպակտ չափերից: Կոմպակտ չափերը սակայն բերում էին որոշ սահմանափակումներ. մասնավորապես սակավ արդյունավետություն, թույլ տեխնիկական տվյալներ… ինչը բերում էր օգտագործման բնագավառների սահմանափակությանը:
iPad-ի պարագան այլ է: Այն  ունի հստակ նախանշված օգտագործման բնագավառներ, որոնք մեր առօրյաի մի կարևոր մաս են զբաղեցնում (խաղեր, կինոներ, Ինտերնետ, երաժշտություն…):

Ստորև ներկայացվում են այն հանգամանքները, որոնք iPad-ը դարձնում են killer gadget (հայերեն թարգմանություն չկա ):

iPad-ի հզորության 3 ասպեկտները

1.Տեխնիկական ասպեկտ-այն ունի iPod-ի բոլոր հնարավորությունները ուղղակի ավելի մեծ կարողություններով (1 ԳՀց հաճախականությամբ պրոցեսսոր), այն ունի Ամազոնի Kindle-ի բոլոր հնարավորությունները, գումարած ֆոտո, վիդեո դիտելու, խաղեր խաղալու , Ինտերնետում թափառելու հնարավորությունները:

Այն չունի multitasking-ի հնարավորություն, որն անկեծորեն ասած ինձ երբեք պետք չի եկել iPod օգտագործելիս:

Մասնագետները պնդում են, որ այն տեխնիկապես անկատար է և չի արդարացնում շատերի սպասումները: Գուցե դա այդպես է, չեմ ժխտում: Ես այդ հարցում այդքան էլ կոմպետենտ չեմ:

2.Սոցիալական և պատմական ասպեկտ-այն հեղափոխում է մարդ-համակարգիչ շփումը, ճիշտ այնպես, ինչպես դա արեց Գրաֆիկական Ինտերֆեյսը (GUI): Այն հեղափոխում է խաղեր խաղալու, գրքեր, նորություններ կարդալու/դիտելու, ձևը, և սա իրական հեղափոխություն  է, քանի որ այս հատկանիշները կփոխեն մեր սովորությունները:

3.Բիզնեսի ասպեկտ- Հենց սրանում է լարված գլխավոր թակարդը…

Ուրեմն այսպես. Գաղտնիք չէ, որ  Apple ընկերության եկամուտների գերակշիռ մասը գոյանում է iTunes և App Store խանութներից, որտեղ համապատասխանաբար վաճառվում են երաժշտություն, ֆիլմեր, գրքեր և iPod-ի և iPhone-ի համար (հետևաբար նաև iPad-ի համար) բազմատեսակ ծրագրեր, խաղեր: Ընդ որում, iTunes-ի վաճառքի ծավալները կազմում են ԱՄՆ տարածքում օրինական ձևով ներբեռնվող երաժշտության 88%-ը

Այս շաբաթ հայտարարվեց, որ վաճառվել է 250.000.000-րդ (այո՛, ճիշտ կարդացիք, երկու հարյուր հիսուն միլիոներորդ ) iPod-ը: Այս թվին գումարեք բոլոր iPhone-ները և մարդկանց այն ահռելի քանակը, որոնք ամեն օր երաժշտություն, գրքեր ու կինոներ են գնում iTunes-ից: Պատկերացրի՞ք թիվը: Իսկ հիմա այս թվին գումարեք ևս 10.000.000 մարդու (հենց այսքան գնորդ է ակնկալում Ջոբսը), որոնք այս տարի հավանաբար կգնեն iPad ռեկորդային էժան գնով (ընդամենը 500 դոլարով) և կսկեն երգեր, խաղեր, ծրագրեր գնել վերը նշված խանութներից:   iPad-ն Apple-ի համար ընդամենը ևս մի գործիք է, որպեսզի ավելի շատ մարդ գնումներ կատարի իրենց խանութներից:

Եվ այսպես, ի?նչ է iPad-ը,  ինչ կարելի է դրանով անել և ի վերջո ինչ արժե այն?

Ինչ է iPad-ը?

Ինչպես նշեց Ջոբսը.”սա մի գործիք է, որն իր տեղը կզբաղեցնի նոութբուքների և սմարթֆոնների միջև”: Այսինքն, ձեռքի թեթև շարժումով նա ոչնչացրեց նեթբուքները , որպես դասակարգ:  Ոչ միայն վերացրեց կամ անտեսեց նեթբուքները, այլև ըստ էության ապրանքի նոր կատեգորիա մտցրեց շուկա: Ավելի ճիշտ կլինի ասել, ոչ թե նոր կատեգորիա մտցրեց, այլ վերաձևեց և նոր շունչ հաղորդեց պլանշետների կատեգորիային, ինչպես դա արել էր հեռաոոսների, փլեյերների հետ:

Ինչ անել iPad-ով?

Ջոբսի խոսքերով` նրանք հեղափոխել են համակարգչի և մարդու շփումը` այն դարձնելով ավելի անմիջական:  Սա հաջողվել է անել հպման վրա աշխատող էկրանի շնորհիվ:

Չնայած իր նմանությանը iPod-ին, iPad-ը ֆունկցիոնալ առումով ավելի հարուստ է և դրանով կարելի է ոչ միայն ինտերներտում շրջել, այլև էլ. փոստ ստանալ-ուղարկել, խաղեր խաղալ, երաժշտություն լսել, կինո նայել և աշխատել iWork համակարգում: Ընդ որում շատ խաղեր վերահրատարակվել են, որպեսզի կարողանան համատեղելի լինել iPad-ի հետ: Նույնիսկ շատերի կողմից սիրված Farmville-ն է ձևափոխվել և դարձել է հպմանը զգայուն:  Բացի այս ամենից iPad-ի վրա կա վիրտուալ ստեղնաշար, որը համարյա նույն չափի է,  որքան սովորական նոութբուքինը:

Այս հրաշալի Ֆունկցիոնալ  առավելությունների հետ մեկտեղ կա նաև մի թերություն, որը ժամանակի ընթացքում հուսով եմ, կուղղվի. բրաուզերը դեռ չի կարողանում Ինտեռնետում ֆլեշ վիդեոներ ցուցադրել: Սա իհարկե ահռելի թերություն է, բայց ճամանակի ընթացքում, հուսով եմ այն կվերացվի:

Իսկ հիմա iPad-ի տեխնիկական հնարավորությունների և գնի մասին.

դրա արժեքը սկսվում է ընդհամենը $499 -ից (16GB-ի համար) և գումարած ևս$130 3G-ին միանալու հնարավորության համար:

Տեխնիկական տվյալները

- 9.7” IPS էկրան, 0.5” հաստություն,

- Հիշողությունը: 16, 32, կամ 64 GB ներմիացված կոշտ սկավառակներ

- ՉԻՊ: 1 GHz Apple A4 chip. Չիպը նախագծվել և պատրաստվել է Apple-իկողմից (!!!)

- Wi-Fi: 802.11n

- Մարդկոցի աշխատանքը` 10 ժամ, անջատած վիճակում` մեկ ամիս

- Ներկառուցված միկրոֆոն, բարձրախոսներ,աքսելերոմետր, կողմնացույց

Եվ վերջում` շնորհանդեսի վիդեոն:

Սթիվ Ջոբսը ներկայացնում է iPad-ը

Դրա պատճառները մի քանիսն են. Շատերը Սթիվ Ջոբսին համարում են գուռու, քանի որ նա  հեղափոխում է մարդկանց առօրյան 1973-ից սկսած, անընդհատ բարելավելով, նորամուծություններ մտցնելով մեզ ծանոթ ու սովորական առարկաներիմեջ, նա փոխում է իրերի էությունը՝ վերաձևելով մեր սովորությունները: Նա իրական նորարար է և հանճարեղ հռետոր և զուր չէ, որ արդեն մի քանի տարի շարունակ նա մտնում է աշխարհի ամենաազդեցիկ մարդկանց հարյուրակի մեջ:

Apple-ն անհնար է պատկերացնել առանց Ջոբսի, սակայն այս գրառման թեման Ջոբսը չէ, այլ Apple-ը:  Վերջերս կարիք զգացվեց նոր MP3 փլեյերի և  առանց երկար մտածելու գնեցի iPod Touch և այնքան եմ հիացած դրանով, որ արդեն վստահ եմ, որ հաջորդ հեռախոսս նույնպես Apple  է լինելու: Հիացմունքի պատճառները բազմաթիվ են, բայց ամենաակնհայտն ու կարևորները երկուսն են. բրաուզերը և ծրագրեր ավելացնելու հնարավորությունը: Մոռացե՛ք Օպերա մինին, անհարմար նավիգացիան, փոքր տառերն ու տեքստերը, վայելե՛ք Ինտեռնետը:

Երբ մի քանի տարի առաջ Ջոբսը հանրությանն էր ներկայացնում iPhone-ը, ժամանակի նույնիսկ ամենաառաջադեմ բջջային հեռախոսները թվացին հնություն: Նույնը եղավ iPod-ների հետ և նույնը կկատարվի այսօր, երբ նա հայտարարի “իր կյանքի ամենամեծ նվաճումը”:

Այսօր ժամը 23.00-ին նոր գրառում webmatyan-ում, որի թեման կլինի Ջոբսի նոր գլուխգործոցը:

Միացե՛ք և պատրաստվե՛ք:

Զգալով Գուգլի կողմից սպառնացող վտանգը` դասական ՕՀ-երի շուկայի առաջատար Մայքրոսոֆթն անում է ամեն հնարավորը, որպեսզի ոչ մի կերպ բաց չթողնի  ”ամպերի” իր բաժնից:

Այս ուղղությամբ առաջին քայլը, Մայքրոսոֆթի  Office փաթեթի նոր սերնդի թողարկումն է:

Այն հնարավոր է անվճար ներբեռնել այտեղից : Ի թիվս մի շարք նշանակալի փոփոխությունների (որոնց մասին կպատմեմ մյուս գրառումների մեջ), ամենանշակալի փոփոխությունն այն է, որ  ”Օֆիս” փաթեթի ծրարգրերով ստեղծված փաստաթղթերը կարելի է առցանց “կիսել” գործընկերների հետ և մեկ կամ մի քանի փաստաթղթերի շուրջ աշխատել խմբով:

Այս մոտեցումը շատ նման է Google Docs համակարգին, որտեղ նույնպես նման հնարավորություններ կան:

Ըստ էության Մայքրոսոֆթը մի կողմից մեծ և կարևոր քայլ արեց դեպի ապագա` ետևում թողնելով իր գլխավոր մրցակցին` Apple-ին, մյուս կողմից կարողացավ արժանի հակահարված հասցնել մյուս հսկային` Գուգլին` չթողնելով, որ այն դառնա “ամպերի” միանձնյա տիրակալը:

Հաջորդ գրառումներում ավելի մանրամասն կանդրառնամ “ամպերին” և նոր “Օֆիսին”: