Այսօր The Armenian Observer-ի բլոգում մի հոդված կար, որը պատմում էր Opera Mini բրաուզերի օգտագործման  դինամիկայի մասին: Այս հոդվածի աղբյուրը Opera ընկերության պաշտոնական բլոգն է, որտեղ յուրաքանչյուր տարի հրատարակվում է Օպերա բրաուզերի օգտագործման վիճակագրությունը: Արդեն 2-րդ տարին անընդմեջ Հայաստանը առաջատար դիրքեր է զբաղեցնում Opera Mini օգտագործող երկրների շարքում: Սրա մասին է վկայում ոչ միայն Opera-ի պաշտոական բլոգը, այլև հայաստանից կատարված որոնումների բովանդակությունը, ինչի մասին մենք խոսել ենք: Ըստ Գուգլի,  ”Opera” հանգուցային բառի որոնումը Հայաստանից աճում է ամսեկան 100 տոկոսով:

Ըստ Opera-ի պաշտոնական տվյալների, այս տարի Opera Mini բրաուզերի ներբեռնումների քանակը (անցյալ տարվա համեմատ ) Հայսատանից աճել է 351 տոկոսով:

Այս միտումը հստակ ցույց է տալիս, որ չնայած Ինտերնետ կապի գները Հայաստանում շարունակում են իջնել, բջջային հեռախոսների միջոցով Ինտերնետ օգտվողների քանակը շարունակում է վայրագ տեմպերով աճել, ի տարբերություն սովորական Ինտերնետ կապի:

Opera-ի հետազոտությունը ցույց է տալիս նաև, որ Հայաստանում ամենատարածված հեռախոսը շարունակում մնալ Nokia-ն, իսկ ամենահաճախելի կայքը՝ odnoklassniki-ն:

Բացի odnoklassniki-ից, հայաստանցիների մոտ շատ տարազված են mail.ru, yandex.ru, wapos.ru և wikipedia-ն:

Այստեղից հաջորդ երկու հետևությունները.

1. հայկական ոչ մի ռեսուրս ի վիճակի չէ մրցել ռուսական մրցակիցների դեմ (համենայն դեպս այս պահի դրությամբ)
2. Կենսական անհրաժեշտություն է բջջային հեռախոսների հայաֆիկացումը, այսինքն դրանց մեջ համապատասխան փոփոխություններ մտցնելը, որպեսզի դրանք ունակ լինեն կարդալու հայերեն տառերը, այլապես կհայտնվենք 90-ականների վերջի իրադրության մեջ, երբ հայկական կայքերը լավագույն դեպքում ռուսերենով էին, իսկ որպես կանոն անհասկանալի կոդավորմամբ, կամ տրանսլիտով
3. հայաստանցիները, ինչպես և մյուս երկրների ինտերնետ օգտագործողները սիրում են ներբեռնել ամեն ինչ, ինչ որ անվճար է (երբեմն նուկնիսկ վիրուսներ)
4. և վերջապես ամենաուրախալի նորությունը. հայաստանցիները ակտիվորեն օգտվում են Վիքիպեդիայից