Դեկտեմբերի 27-ին հրապարակվեցին facebook-ի սպասվող փոփոխությունների մասին որոշ տեղեկություններ:

Դրանցից ամենաակնհայտը կայքի դիզայնի հերթական փոփոխությունն է: Շատերս արդեն հոգնել ենք facebook-ի անընդհատ փոփոխվող դիզայնից և ամեն անգամ, երբ facebook-ը փոխում է իր կայքի դիզայնը, բողոքի մեծ ալիք է առաջանում, խմբեր են ստեղծվում, որ պահանջում են վերադարձնել հին տեսքը, սակայն այդ փոփոխությունները մնում են անփոփոխ և մարդիկ կամաց-կամաց ընտելանում ու վարվում են փոփոխություններին: Որպես կանոն, դիզայնի փոփոխությունները պայմանավորված են լինում ինչ-որ ֆունկցիոնալ փոփոխություններով և նախորդում են այդ փոփոխություններին:

Ստորև բերված են հերթական (հաջորդ) փոփոխությունների արդյունքում ստացվելիք տեսքը:

Ինչպես երևում է նկարներից, այս փոփոխւթյունները, ինչպես նախորդները, նշանակալիորեն կփոխեն facebook-ի տեսքը և ենթադրում եմ, որ նոր բողոքների ալիք կբարձրանա:

Ինճպես երևում է նկարներից, կանհետանա կայքի ստորին մասի ղեկավարման պանելը (այնտեղ, որտեղ այժմ գտնվում են Applications, Bookmarks, Pages….) և փոփոխություններից հետո ղեկավարման պանելի փոխարեն կլինի միայն չատը: Իսկ վերը նշված ֆունկցիաները կտեղափոխվեն ձախ սյուն (ընկերների ցուցակի, ստատուսների թարմացումների և այլ ֆունկցիաների տակ): Շատ չեմ ուզում խորանալ և մեկնաբանել տեսքի փոփոխությունները, քանի որ ուշադիր զննման դեպքում դրանք ակնհայտ են դառնում:

Անմիջապես անցնեմ այն ֆունկցիոնալ փոփոխություններին, որոնք սպասվում են 2010-ի առաջին 2-3 ամիսների ընթացքում:

Անմիջապես ամանորյա տոներից հետո Ձեզ կխնդրեն, որ դուք 3-րդ կողմի ծրագրերին (applications, games) տրամադրեք ձեր անձնական էլ. փոստի հասցեն:

Սա շատ կասկածելի նորամուծություն է, քանի որ հարցի տակ է դնում առանց այն էլ անձնական տվյալների թույլ պաշտպանվածության հարցը:

Այս նորամուծությունը հնարավորություն կտա ծրագրերի ստեղծողներին անմիջապես կապ հաստատել ձեզ հետ և աստված գիտի, թե արդյունքումձեր անձնական էլ. փոստի հասցեն ինչի կվերածվի: Ես դեռ տեղեկություններ չունեմ, թե  հնարավոր կլինի արդյոք օգտվել ծրագրերից (Օրինակ՝ Ֆարմվիլից)՝ առանց անձնական էլ. փոստը տրամադրելու, թե ոչ:

Հաջորդ նորամուծությունը, որը սպասվում է տարվա սկզբին այն է, որ դիմումները (Request) և զգուշացումները (Notification) այսուհետ կգան ձեր Facebook-ի հաղորդագրությունների մեջ, և (կամ) ձեր անձնական էլ. փոստի մեջ, եթե դուք դա արտոնել եք: